هەڵەیەک روویدا! دووبارە هەوڵبدە
رووداو دیجیتاڵ
موقتەدا سەدر بڕیارێک دەردەکات بۆ پێکهێنانى پێنج لێژنە کە یەکێکیان فراکسیۆنە دەستلەکارکێشاوەکەیەتى لە پەرلەمانى عێراق.
بەگوێرەى نووسراوێک کە نووسینگەى تایبەتى موقتەدا سەدر لە 28ى ئادار دەریکردووە، ئاماژە بەوە دراوە کە بە فەرمانى سەرۆکى رەوتى سەدر، پێنج لێژنەى ناوەندى پێکدەهێندرێت و سەرۆکى هەر لێژنەیەکیشى دیاریکردووە کە لە ئەندامانى ئەو رەوتەن.
لێژنەکان بریتین لە سەرپەرشتیارى نوێژى هەینى، دیوانى خێڵەکان، بونیان مەرسوس، راوێژکاران و فراکسیۆنى دەستلەکارکێشاوەى سەدر.
بەگوێرەى بڕیارەکە، حەسەن عەزارى کراوە بە سەرۆکى فراکسیۆنى دەستەکارکێشاوەى سەدر.
فراکسیۆنى سەدر لە هەڵبژاردنى 2021ى پەرلەمانى عێراق 73 کورسی بەدەستهێنا، بەرلەوەى سەرجەم ئەندامەکانیان لە 12ى حوزەیرانى 2023 دەست لەکاربکێشنەوە.
بەر لە دەستلەکارکێشانەوەى پەرلەمانتارەکانى رەوتى سەدر، حەسەن عەزارى، سەرۆکى فراکسیۆنەکەى بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ