رووداو دیجیتاڵ
بەڕێوەبەرایەتی هەواڵگری سەربازیی عێراق لە راگەیێندراوێکدا رایگەیاندووە، "لە رێگەی دانانی کەمینێکی تووندوتۆڵ لە ناحیەی شوانی سەر بە پارێزگای کەرکووک، توانیمان تیرۆریستێکی داواکراو دەستگیربکەین."
دەستگیرکراوەکە ئافرەتە و بەگوێرەی بەڕێوەبەرایەتی هەواڵگری سەربازیی عێراق، "بەرپرس بووە لە دابەشکردنی مووچە بەسەر ئەندامانی رێکخراوی داعش لە حەویجە."
هەواڵگری سەربازیی عێراق ئاماژە بەوەش دەکات، "تۆمەتبارەکە لە کاتی دەستگیرکردنیدا بڕێک پارە و بەڵگەنامەی ساختەی پێبووە، کە بەڵگەنامەکانی بۆ هاتووچۆکردن بۆ دابەشکردنی مووچە بەسەر ئەندامەکانیان بەکارهێناوە."
بەڕێوەبەرایەتییەکە دەڵێت، ئۆپەراسیۆنەکە بە پشتبەستن بە زانیاری هەواڵگریی ورد و چاودێریی بەردەوامی هێزەکانیان بووە، هەروەها بە هاوئاهەنگی لەگەڵ هێزەکانی هەواڵگری و بەرەنگاربوونەوەی تیرۆری کەرکووک.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ