هەڵەیەک روویدا! دووبارە هەوڵبدە
رووداو دیجیتاڵ
پەبجى، فیلی شین و مەریەم لەنێو ئەو یارییە ئەلیکترۆنیانەن، کە وەزارەتى ناوخۆى عێراق بەکارهێنانیان سنووردار دەکات، ئەوەش بە پاساوى هاندانى تووندوتیژى و چوونە دەرەوەى پارە.
وەزارەتى ناوخۆى عێراق دەست دەکات بە ئامادەکردنى چەند رێوشوێنێک بۆ سنووردارکردن و کەمکردنەوەى هەندێک یاریی ئەلیکترۆنى و قەدەخەکردنى هەندێکى دیکەیان.
عەمید مەنسوور عەلى سووڵتان، بڕیاردەرى لیژنەى نیشتمانیى رێکخستنى چەک لە وەزارەتى ناوخۆى عێرق رایگەیاند، چەند رێنوێنی و رێوشوێنێک ئامادە دەکەن بۆ کەمکردنەوە و سنووردارکردنى بەکارهێنانى هەندێک یاریى ئەلیکترۆنى، بەتایبەت ئەو یارییانەى "هانى تووندوتیژى دەدەن،" لەوانەش پەبجى، مەریەم و فیلی شین.
لەبارەی هۆکاری سنووردارکردنی ئەو یارییە ئەلیکترۆنییانەش، عەمید مەنسوور عەلى سوڵتان بە میدیاى فەرمیى عێراقى گوتووە، بۆ رێگرییە لە تووندوتیژى و چوونە دەرەوەى پارە لەڕێگەى ئەو یارییە ئەلیکترۆنییانە.
بەگوێرەى ئەو رێکارانە، وەزارەتى ناوخۆى عێراق بە هاوئاهەنگى لەگەڵ تۆڕى راگەیاندن و پەیوەندییەکانى عێراق ئەو یارییە ئەلیکترۆنییانە سنووردار دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ