عێراق
بەنگین رێکانی لەگەڵ فایەق زێدان، هادی عامری، حەلبووسی و ژمارەیەک بەرپرسی دیکەی عێراق پێش گەڕی سێیەمی دەنگدان بۆ جێگری دووەمی سەرۆکی پەرلەمانی عێراق
رووداو دیجیتاڵ
ئەحمەد ئەسەدی، ئەندامی چوارچێوەی هاوئاهەنگی بە تۆڕی میدیایی رووداوی راگەیاند، دوای دانوستاندنەکانی ئەمڕۆ، پرسی دیاریکردنی پۆستی جێگری دووەمی سەرۆکی پەرلەمان یەکلایی کرایەوە.
دوێنێ دانیشتنی یەکەمی پەرلەمانی عێراق بەڕێوەچوو. دوای دووجار هەڵبژاردن بۆ پۆستی جێگری دووەمی سەرۆکی پەرلەمان لەنێوان شاخەوان عەبدوڵڵا، بەربژێری پارتی و رێبوار کەریم، بەربژێری رەوتی هەڵوێست، هەردوو بەربژێرەکە نەیانتوانی دەنگەکانیان بگەیەننە زۆرینەی رەها کە زیاتر لە 166 دەنگە و بەو هۆیەوە پۆستی جێگری دووەمی سەرۆکی پەرلەمان یەکلایی نەبووەوە.
ئەو ئەندامەی چوارچێوەی هاوئاهەنگی گوتی: "چوارچێوەی هاوئاهەنگی بڕیاری داوە لە گەڕی سێیەمدا دەنگ بە بەربژێری پارتی بدات."
دوێنێ دەنگدان بۆ سەرۆکی پەرلەمانی عێراق لە یەک گەڕدا یەکلایی بووەوە و هەیبەت حەلبووسی وەک بەربژێری ئەنجوومەنی سیاسیی نیشتمانیی سوننەکان لەکۆی 309 پەرلەمانتاری ئامادەبوو 208 دەنگی بەدەستهێنا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ