رووداو دیجیتاڵ
گیانلەدەستدان بەهۆی بوومەلەرزەکەی 6ـی شوباتەوە لە رۆژئاوای کوردستان و سووریا 8 هەزار و 500 کەسی تێپەڕاند، ئەوە بە گوێرەی رێکخراوی تەندروستیی جیهانی.
رێک برێنن، بەڕێوەبەری نووسینگەی باری لەناکاوی تەندروستیی جیهانی لە رۆژهەڵاتی نێوەڕاست لە حەلەبی سووریاوە رایگەیاند، تاوەکو ئێستا لانیکەم 8 هەزار و 500 کەس بەهۆی بوومەلەرزەکەوە لە رۆژئاوای کوردستان و سووریا گیانیان لەدەستداوە.
برێنن گوتی، نزیکەی چوار هەزار کەس لەوانەی گیانیان لەدەستداوە، لەو ناوچانەدان کە لەژێر کۆنترۆڵی حکومەتی سووریادان و چوار هەزار و 500 کەسی دیکەش لە ناوچەکانی دیکەن کە رۆژئاوای کوردستان و ناوچەکانی ژێر دەستی ئۆپۆزیسیۆن و گرووپە چەکدارەکان دەگرێتەوە.
ئەو بوومەلەرزەیەی رۆژی 6ـی شوبات لە مەرەشی باکووری کوردستان روویدا و ناوچەکەی گرتەوە، بووەتە هۆی رووخانی تەواوەتیی 550 باڵەخانە لە رۆژئاوای کوردستان و سووریا، هەزار و 570 باڵەخانەی دیکەش زیانی زۆریان بەرکەوتووە.
هەرێمی عەفرینی رۆژئاوای کوردستان زیانی زۆری بەهۆی بوومەلەرزەکەوە بەرکەوتووە، بەجۆرێک تاوەکو ئێستا لانیکەم هەزار و 12 کەس گیانیان لەدەستداوە، 278 باڵەخانە بە تەواوەتی رووخاون، هەزار و 110 باڵەخانەی دیکەش زیانیان بەرکەوتووە و لانیکەم هەزار و 391 خێزانیش ناچاربوون ماڵەکانیان جێبێڵن.
نەتەوە یەکگرتووەکانیش دەڵێت، بوومەلەرزەکە بووەتە هۆی بێ ماڵوحاڵبوونی 5.5 ملیۆن کەس لە رۆژئاوای کوردستان و سووریا.
![ژان نۆیل بارۆ، وەزیری دەرەوەی فەرەنسا [لای راست] و ئەسعەد شەیبانی، وەزیری دەرەوەی سووریا.](https://www.rudaw.net/s3/rudaw.net/ContentFiles/932047Image1.jpg?mode=crop&quality=70&rand=1&scale=both&w=362&h=226&version=8464569 "ژان نۆیل بارۆ، وەزیری دەرەوەی فەرەنسا [لای راست] و ئەسعەد شەیبانی، وەزیری دەرەوەی سووریا.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ