رووداو دیجیتاڵ
تەقینەوەیەک لە شاری لازقییەی سووریا روویدا. بەپێی زانیاریی سەرەتایی، سێ کوژراو و 12 بریندار هەن.
ئەمڕۆ شەممە، 15-03-2025، روانگەی سووری بۆ مافەکانی مرۆڤ رایگەیاند، ئێوارەی ئەمڕۆ تەقینەوەیەک لە گەڕەکی رملی شاری لازقییە روویداوە.
بەرگریی شارستانیی لازقییە رایگەیاند، تیمەکانیان گەیشتوونەتە شوێنی تەقینەوەکە و ئاماژەی بەوەکردووە، باڵەخانەیەکی چوار نهۆمی رووخاوە و ژمارەیەک بریندار دەرهێنراون.
هاوکات پارێزگاری لازقیە رایگەیاند، تەقینەوەکەی گەڕەکی رمل، تاوەکو ئێستا سێ کوژراو و 12 برینداری لێکەوتووەتەوە و تیمەکانی بەرگریی شارستانی و خەڵکی ناوچەکە هێشتا بەدوای بریندار و بێسەروشوێنەکاندا دەگەڕێن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ