رووداو دیجیتاڵ
فەرماندەیی گشتیی ئاسایشی بەڕێوەبەرایەتیی خۆسەر بڵاویکردەوە، بەرەبەیانی ئەمڕۆ ژمارەیەک چەکدار تەقەیان لە کارمەندێکی لە کاتی گەڕانەوەی بۆ ماڵەوە کردووە و بەو هۆیەوە گیانی لەدەستداوە.
رۆژی یەکشەممە، 16ی تشرینی یەکەمی 2025، فەرماندەیی گشتیی ئاسایشی بەڕێوەبەرایەتیی خۆسەر لە راگەیێندراوێکدا بڵاویکردەوە: "کاژێر 10ی بەرەبەیانی ئەمڕۆ، ئەندامێکمان لەلایەن ژمارەیەک چەکداری گرووپێکی تیرۆریستی تەقەی لێکرا؛" ئاماژە بەوەش دەکات، رووداوەکە لە رێگەی شارۆچکەی موحەیمیدە لە پارێزگای دێرەزوور بووە و بەو هۆیەوە کارمەندەکە گیانی لەدەستداوە.
لە راگەیێندراوەکەدا هاتووە، دوای رووداوەکە "هێزەکانمان دەستیان بە لێکۆڵینەوە و کۆکردنەوەی بەڵگەی پێویست بۆ دەستگەیشتن بە تاوانکاران کرد؛" ئاماژە بەوەش کراوە: "پابەندییەکی بەهێزمان بە بەردەوامیدان بە پاراستنی ئاسایشی ناوچەکە و دڵنیاییدان لە سەلامەتی خەڵک هەیە و ئەو تاوانانە کار لە ویستی ئەندامانمان لە راگرتنی سەقامگیری ناوچەکە ناکەن".
13ی ئەم مانگە، هەسەدە کە هاوبەشێکی سەرەکیی وڵاتانی رۆژئاوایە لە شەڕی دژی داعش لە سووریا، بڵاویکردەوە: "تەنیا لە یەک مانگدا هاوپەیمانان پشتیوانیی زیاتر لە 20 ئۆپەراسیۆنیان کردووە کە شانە نووستووەکانی داعشیان کردووەتە ئامانج، ئەمەش کاریگەریی مەیدانی و هەوڵە خۆپارێزییەکانی بەهێزتر کردووە".
![ژان نۆیل بارۆ، وەزیری دەرەوەی فەرەنسا [لای راست] و ئەسعەد شەیبانی، وەزیری دەرەوەی سووریا.](https://www.rudaw.net/s3/rudaw.net/ContentFiles/932047Image1.jpg?mode=crop&quality=70&rand=1&scale=both&w=362&h=226&version=8464569 "ژان نۆیل بارۆ، وەزیری دەرەوەی فەرەنسا [لای راست] و ئەسعەد شەیبانی، وەزیری دەرەوەی سووریا.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ