رووداو دیجیتاڵ
ئەحمەد شەرع، سەرۆکی سووریا بۆ قۆناخی راگوزەر، چالاکڤانێک لە بواری مافەکانی مرۆڤ دەکاتە نوێنەری وڵاتەکەی لە رێکخراوی نەتەوە یەکگرتووەکان.
رۆژی سێشەممە 19ی ئابی 2025 ئیبراهیم عەبدولمەلیک عولەبی وەک نوێنەری هەمیشەیی سووریا لە رێکخراوی نەتەوە یەکگرتووەکان لە نیویۆرک دەستنیشان کرا.
عولەبی لە ریازی پایتەختی سعودیە لەدایکبووە و پارێزەر و چالاکڤانێکی دیاری بواری مافەکانی مرۆڤە؛ هەڵگری بڕوانامەی بەکالۆریۆس و ماستەرە لە یاسا لە زانکۆی مانچستەری بەریتانی.
نوێنەرەکەی سووریا چەندین پۆستی راوێژکاری هەبووە، لەوانە کارکردن لە نووسینگەی کۆمیسیۆنی باڵای مافەکانی مرۆڤی سەر بە نەتەوە یەکگرتووەکان، سەندیکای پارێزەرانی نێودەوڵەتی و ئەندامی باڵاش بووە لە ئەنجومەنی کارگێڕیی ئەنجومەنی سووریا-بەریتانیا.
عولەبی لە کاتی جەنگی نێوخۆی سووریادا لەنێو وڵاتەکەیشی کاری کردووە، لەوانەش لە حەلەب.
ئەو هاووڵاتییە هەڵگری هەردوو وڵاتینامەی بەریتانی و ئەڵمانیایە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ