رووداو دیجیتاڵ
ناوەندی راگەیاندنی هێزەکانی سووریای دیموکرات (هەسەدە) بڵاویکردەوە، لە گوندی حیسان لە ناوچەی کەسرا، لە دەوروبەری رۆژئاوای دێرەزۆر، مینێک کە لەلایەن شانەکانی داعشەوە چێنرابوو، بە ئۆتۆمبێلی شەڕڤانەکانیاندا تەقییەوە. لە ئەنجامدا دوو شەڕڤانی هەسەدە گیانیان لەدەستدا و 3 شەڕڤانی دیکەش بریندار بوون.
هەسەدە رایگەیاند، "ئەم ئۆپەراسیۆنە ترسنۆکانە بەشێکە لە هەوڵەکانی رێکخراوی تیرۆریستی داعش بۆ تێکدانی ئارامی ناوچەکە."
ئاماژە بەوەشکراوە، هێزەکانیان لەو شوێنەی تەقینەوەکەی تێدا روویداوە، دەستیان بە ئۆپەراسیۆنی بەرفراوانی بەدواداچوون کردووە بۆ دەستگیرکردنی شانە تیرۆریستییەکانی بەرپرسیار لەم هێرشە.
هەسەدە لە بەیاننامەکەیدا جەختی کردووەتەوە، کە هێزەکانیان بەردەوام دەبن لە ئۆپەراسیۆنەکانیان دژی چەکدار و شانەکانی داعش، "هەتا لەناوبردنی یەکجاری داعش و سەرچاوە دارایی و مەعنەوییەکانیان".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ