هەڵەیەک روویدا! دووبارە هەوڵبدە
رووداو دیجیتاڵ
فاتیح ئەربەکان، سەرۆکی پارتی سەرلەنوێ رەفاهـ لە کۆنفرانسێکی رۆژنامەڤانیی هاوبەش لەگەڵ عەلی باباجان، سەرۆکی پارتی دیموکراسی و پێشکەوتن باسی ئەو لیژنەیەی کرد کە لە پەرلەمان تورکیادا تایبەت بە پرۆسەی چارەسەر پێکهێنراوە.
سەرۆکی سەرلەنوێ رەفاهـ کە پارتەکەی بەشداریی لە لیژنەی تایبەت بە پرۆسەی چارەسەری کردووە و ئەندامێکی هەیە، جەختیکردەوە کە ئامانجیان وەرگرتنی زانیارییەکانە لەبارەی پرۆسەکە.
فاتیح ئەربەکان هەروەها رایگەیاند: "نامانەوێت لەو لیژنەیەدا ئەنجام بەدەست بێت کە دڵی ماڵباتی شەهیدان و زیانبەرکەوتووانی سەنگەر سەغڵەت بکات. ئێمە بۆیە لێرەین هەتا رێگری لەمە بکەین. نامانەوێت مامەڵەی وەرگرە و بیدە لەگەڵ تیرۆرستان بکرێت".
لەبارەی ئەنجامی لیژنەکە لە بابەتی چەکدانان ئەربەکان گوتی: "دەمانەوێت لە ئەنجامی کاری ئەو لیژنەیەدا نەوەک تەنیا پەکەکە، یەپەگە، پەیەدە و پژاکیش چەک دابنێن و کۆتایی بە چالاکییەکانیان بهێنن".
لیژنەی تایبەت بە پرۆسەی چارەسەری کە ناوەکەی (لیژنەی پاڵپشتیی نیشتمانیی، برایەتی و دیموکراسی)ـە، رۆژی 5-8-2025 یەکەمین کۆبوونەوەی سازکرد کە 8 کاژێری خایاند.
هەروەها بڕیارە رۆژی هەینی 8-8-2025 دووەمین کۆبوونەوە بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ