رووداو دیجیتاڵ
کاژێر 7:53ـی ئێوارەی ئەمڕۆ یەکشەممە، بوومەلەرزەیەک بە گوڕی 6.1 پلەی رێختەر، قەزای سندرگی سەر بە پارێزگای بالکەسیری تورکیای هەژاند.
دەستەی بەڕێوەبردنی کارەسات و باری لەناکاوی تورکیا (ئافاد) رایگەیاند، بوومەلەرزەکە لە قووڵایی نزیکەی 11 کیلۆمەتردا روویدا و لە پارێزگاکانی دەوروبەری وەک ئیستەنبووڵ، ئیزمیر و بورسا بە بەهێزیی هەستی پێ کرا.
بوومەلەرزەکە ترس و دڵەڕاوکی فراوانی دروست کردووە، بەڵام تاوەکو ئێستا هیچ زیانێکی گیانی و ماددیی بەرچاو رانەگەیەندراوە.
عەلی یەرلیکایا، وەزیری ناوخۆی تورکیا رایگەیاند، تائێستا هیچ بارودۆخێکی نەخوازراو تۆمار نەکراوە.
بەرپرسان داوایان لە هاووڵاتیان کردووە کە وریا و ئامادە بن بۆ ئەگەری پاشلەرزەکان لەدوای ئەو بوومەلەرزە بەهێزە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ