هەڵەیەک روویدا! دووبارە هەوڵبدە
رووداو دیجیتاڵ
سەرۆکی شارەوانییەکی جەهەپە و سەرۆکی شارەوانییەکی سەرلەنوێ رەفاهـ دەستیان لە پارتەکانیان کێشایەوە و پەیوەندییان بە ئاکپارتییەوە کرد و لەلایەن رەجەب تەیبگ ئەردۆغانەوە پێشوازییان لێکرا.
حەسەن ئوستائوغڵو، سەرۆکی شارەوانیی سەیدی شەھیر کە پشکی پارتی گەلی کۆماری (جەهەپە) بوو و مەسعود مەرتجان، سەرۆکی شارەوانیی ئەمیرغازی کە پشکی پارتی سەرلەنوێ رەفاهـ بوو، رۆژی پێنجشەممە 11-9-2025 پەیوەندییان بە ئاکپارتییەوە کرد. هەردوو شارەوانی لە سنووری پارێزگای کۆنیان.
لە راگەیێندراوێکدا کە ئاکپارتی لە تۆڕی کۆمەڵایەتی بڵاویکردەوە، ئاماژە بەوە کرا کە حەسەن ئوستائوغڵو و مەسعود مەرتجان، سەرۆکی شارەوانیی ئەمیرگازی پەیوەندییان بە ئاکپارتییەوە کردووە.
رەجەب تەیب ئەردۆغان، سەرۆککۆماری تورکیا و سەرۆکی ئاکپارتی، پێش کۆبوونەوەی ناوەندی بڕیار و بەڕێوەبردنی پارتەکەی، لەگەڵ هەردوو سەرۆکشارەوانی کۆبووەوە و دواتریش مەدالیای ئاکپارتیی پێشکێش کردن.
دوو سەرۆک شارەوانییەکە کە لە ھەڵبژاردنەکانی شارەوانیی 31ی ئاداری 2024 وەکو بەربژێری جەهەپە و سەرلەنوێ رەفاهـ پارتە جیاوازەکانەوە ھەڵبژێردرابوون.
بەگوێرەی یاسای حکومەتی خۆجێی تورکیا، سەرۆکشارەوانییە هەڵبژێردراوەکان دەتوانن دەست لە پارتەکانیان بکێشنەوە و هاوکات درێژە بە پۆستی سەرۆکشارەوانییان بدەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ