هەڵەیەک روویدا! دووبارە هەوڵبدە
رووداو دیجیتاڵ
تیمەکانی جەندرمەی پارێزگەی جۆلەمێرگی باکووری کوردستان ئۆتۆمبێلێکیان پشکنی و دەستیان بەسەر 18 کیلۆ زێڕی قاڵبدا گرت.
هەڵمەتەکە ئێوارەی دوێنێ (سێشەممە، 10-12-2024) لە شارۆچکەی گەڤەری سەر بە پارێزگەی جۆلەمێرگ ئەنجامدراوە.
بەگوێرەی تیمەکانی جەندرمە، بەر لە هەڵمەتەکە هەواڵ لەبارەی ئەو ئۆتۆمبێلەوە دراوە. زانیاری دراوە کە لە دەروازەی سنوورییەوە چووەتە باکووری کوردستان و ئەو زێڕانەیان بە قاچاخ پەڕاندووەتەوە، بەڵام هێشتا روون نییە لە کام دەروازەوە بووە.
بەگوێرەی گوتەی جەندرمە، لەکاتی پشکنیندا ئەو زێڕانەیان لە نێو چەند پێڵاوێک و بەشە جیاوازەکانی ئۆتۆمبێلەکە دەرهێناوە.
پارێزگای جۆلەمێرگ لە تۆڕە کۆمەڵایەتییەکان هەواڵەکەی پشتڕاستکردەوە و رایگەیاند، ئەو دوو کەسەی ئۆتۆمبێلەکەیان پێبووە، دەستگیرکراون و لێپرسینەوەیان لەگەڵدا دەکرێت.
زێڕەکان هەموویان قاڵبی کیلۆیی بوون و ئامادەکراون بۆ ئەوەی ببرێنە ئەورووپا.
جەندرمە هەروەها گوتی، بەهای ئەو 18 کیلۆ زێڕە، 54 ملیۆن لیرەی تورکییە کە دەکاتە نزیکەی 1.5 ملیۆن دۆلار.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ