رووداو دیجیتاڵ
لە ئەنقەرەی پایتەختی تورکیا دەست بەسەر 11 تۆن گۆشتی سوور و مریشکی تێکچوودا گیرا، سێ شوێنی کار داخران و دوو کەس دەستبەسەر کران.
تیمەکانی فەرماندەیی جەندرمەی پارێزگای ئەنقەرە رۆژی پێنجشەممە 11ی ئەیلولی 2025 لە شارۆچکەی ئاکیورت ئۆپەراسیۆنێکیان کرد.
لە چوارچێوەی ئۆپەراسیۆنەکەدا دەست بەسەر 11 تۆن و 250 کیلۆگرام گۆشتی سوور و مریشکی تێکچوودا گیرا، کە بایی 351 هەزار دۆلار بوو. هەروەها سێ شوێنی کار بە شێوەیەکی کاتی داخران و دوو کەس دەستبەسەر کران.
دوای وەرگرتنی نموونە، بەشێک لە بەرهەمەکان لەنێوبران.
پەیوەست بە رووداوەکە، دوو کەس بە تۆمەتی 'بازرگانیکردن بە خۆراک و دەرمانی تێکچوو یان گۆڕدراو' دەستبەسەر کران. هەروەها تیمەکانی بەڕێوەبەرایەتیی کشتوکاڵ و دارستانی پارێزگای ئەنقەرە ئەو سێ شوێنەیان بە شێوەیەکی کاتی راخست.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ