رووداو دیجیتاڵ
پەروین بوڵدان، ئەندامی شاندی ئیمراڵیی پارتی یەکسانی و دیموکراسیی گەلان- دەم پارتی، لەبارەی پرۆسەی چارەسەری پرسی کورد لە تورکیا رایگەیاند، چوونەتە قۆناخێکی ئەرێنیی پرۆسەی ئاشتییەوە و ئیدی پێویستی بە هەمواری یاسایی هەیە.
پەروین بوڵدان بۆ میدیایەکی نزیک لە پەکەکە لەبارەی دوایین رەوشی پرۆسەکە و دیداری شاندەکەی لەگەڵ عەبدوڵڵا ئۆجەلان، رێبەری زیندانیکراوی پارتی کرێکارانی کوردستان (پەکەکە) و رەجەب تەیب ئەردۆغان، سەرۆککۆماری تورکیا قسەی کرد.
بوڵدان، لەبارەی دیدارەکانی شاندی ئیمراڵی لەگەڵ ئۆجەلان و ئەردۆغان رایگەیاند: "ئۆجەلان، ئەردۆغان و باخچەلیش ئیرادەی خۆیان بۆ چارەسەری پیشان دەدەن. من سێ جار لەگەڵ بەڕێز سەرۆککۆمار کۆبوومەتەوە. لە هەر سێ دیدارەکەشدا بڕوایەکی زۆر و ئیرادەی چارەسەریم بینی. لێدوانەکانی بەڕێز باخچەلیش لەجێی خۆیانن و بۆ پرۆسەکەش یارمەتیدەرن."
ئاماژەی بەوەدا، دوای دانانی چەک، ئیدی چوونەتە قۆناخێک، کە بە سیاسەت چارەسەری پێش بکەوێت و بۆ ئەوەش پێویستە هەمواری یاسایی بکرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ