هەڵەیەک روویدا! دووبارە هەوڵبدە
رووداو دیجیتاڵ
ناوەندی لێکۆڵینەوەی ORC ئەنجامی راپرسییەکی بڵاوکردەوە کە رۆژانی 10-12ـی ئابی 2025 کراوە و تێیدا ئاکپارتی و پارتی گەلی کۆماری (جەهەپە) ریژەی دەنگەکانیان یەکسانە.
راپرسییەکە لە 26 پارێزگای تورکیا و باکووری کوردستان کراوە و 3 هەزار و 120 کەس بەشدارییان تێدا کردووە.
بەگوێرەی ئەنجامی راپرسییەکە، ئاکپارتی 30.5٪ـی دەنگەکان و پارتی گەلی کۆماری (جەهەپە) بە هەمان شێوە 30.5٪ـی دەنگەکان دەبەنەوە.
هەروەها پارتی یەکسانی و دیموکراسیی گەلان (دەم پارتی) 8.4٪، پارتی بزووتنەوەی نەتەوەیی (مەهەپە) 8.2٪، ئیی پارتی 6.3٪ و پارتی زافەر 3.7٪ی دەنگەکان بەدەست دەهێنن.
پارتی سەعادەت 2.4٪ و پارتی سەرلەنوێ رەفاهـ 2.3٪ی دەنگەکان دەبەنەوە.
لە دوایین هەڵبژاردنی پەرلەمانیی تورکیادا کە رۆژی 14-5-2023 بەڕێوەچوو، لە کۆی 600 کورسیی پەرلەمانی تورکیا ئاکپارتی 268 کورسی، جەهەپە 169 کورسی، چەپی سەوز (دەم پارتی) 61 کورسی، مەهەپە 50 کورسی، ئیی پارتی 43 کورسی، سەرلەنوێ رەفاهـ 5 کورسییان بەدەستهێنا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ