رووداو دیجیتاڵ
رەجەب تەیب ئەردۆغان سەرۆککۆماری تورکیا بە تەلەفون لەگەڵ مەسعود پزیشکیان، سەرۆککۆماری ئێران قسەی کرد و باسیان لە شەڕی ئێران و ئیسرائیل کرد.
فەرمانگەی پەیوەندییەکانی سەرۆکایەتیی کۆماری تورکیا ئەمڕۆ دووشەممە 16ی حوزەیرانی 2025 لە هەژماری فەرمیی خۆی لە تۆڕی کۆمەڵایەتی ئێکس رایگەیاند، لە پەیوەندییە تەلەفۆنییەکەی نێوان ئەردۆغان و پزیشکیاندا پێکدادانەکانی نێوان ئیسرائیل و ئێران، پرسە ناوچەیی و جیهانییەکان تاوتوێ کراون.
ئەردۆغان بە پزیشکیانی رایگەیاندووە کە زنجیرەیەک پەیوەندی لەگەڵ سەرکردەکان سەبارەت بە قۆناخی پێکدادانەکانی نێوان ئیسرائیل و ئێران ئەنجامداوە، تورکیاش ئامادەیە رۆڵی ئاسانکاری بگێڕێت بۆ کۆتاییهاتنی دەستبەجێی ململانێکان و گەڕانەوە بۆ دانوستاندنە ئەتۆمییەکان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ