رووداو دیجیتاڵ
فەرماندەی پێشووی هێزە دەریاییەکانی تورکیا سەبارەت بە جەنگی نێوان ئیسرائیل و ئێران دەڵێت، ئامانج لێی هەڵگیرساندنی شەڕی نێوخۆ و دابەشکردنی ئێرانه. ئاماژە بەوەش دەکات، ئیسرائیل و ئەمریکا دەیانەوێت دەوڵەتی کوردستان دابمەزرێنن.
جاهید یایجی، فەرماندەی پێشووی هێزە دەریاییەکانی تورکیا لەکاتی بەشداریکردنی لە بەرنامەیەکدا سەبارەت بە جەنگی نێوان ئیسرائیل و ئێران قسەی کرد.
فەرماندەی پێشووی هێزە دەریاییەکانی تورکیا دەڵێت، ئیسرائیل و ئەمریکا کار بۆ جێبەجێکردنی پڕۆژەی رۆژهەڵاتی نێوەڕاستی گەورە دەکەن و ئامانجیان داگیرکردنی ئێران نییە، بەڵکو دروستکردنی پشێوییە لەنێو ئەو وڵاتە و دەستپێکردنی شەڕی نێوخۆیە تێیدا.
یایجی ئاماژەی بەوەش کرد، یەکێک لە هەنگاوە هەرە گرنگەکانی ئەم پڕۆژەیە، دامەزراندنی دەوڵەتێکە بەناوی کوردستان. باسی لەوەش کرد، هەوڵ دەدرێت پارچەیەک لە ناوچەکانی باکووری رۆژئاوای ئێران بەو دەوڵەتەوە بلکێندرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ