رووداو دیجیتاڵ
لە پارێزگای موغڵای تورکیا هێلیکۆپتەرێک خۆی کێشا بە نەخۆشخانەیەک دا، بەو هۆیەوە دوو فڕۆکەوان و پزیشکێک و کارمەندێكی تەندروستی گیانیان لەدەست دا.
رووداوەکە ئەمڕۆ یەکشەممە 22ـی کانوونی یەکەمی 2024 لە نەخۆشخانەی فێرکاری موغڵا رووی دا.
هێلیکۆپتەرێكی سەر بە وەزارەتی تەندروستی سەرەتا خۆی کێشا بە باڵەخانەی نەخۆشخانەی فێرکاری موغڵا و دواتر لە زەوییەکی بەتاڵی نزیک نەخۆشخانەکە کەوتەخوارەوە.
ئەو هێلیکۆپتەرە دوێنێ گەیشتووەتە شاری موغڵا، بەڵام بەهۆی نالەباری کەشوهەوا نەیتوانیوە بگەڕێتەوە. بەیانی ئەمڕۆ دوای ئەوەی بەرەو ئانتاڵیا فڕیوە، پاش ماوەیەکی کەم بەهۆی تەم و مژەوە خۆی کێشاوە بە باڵەخانەی نەخۆشخانەکە و کەوتووەتە خوارەوە.
دوای رووداوەکە دەستبەجێ ژمارەیەکی زۆر لە تیمەکانی تەندروستی و فریاکەوتن گەیشتنە شوێنی رووداوەکە و لێکۆڵینەوە لە رووداوەکە دەستیپێکرد.
وەزارەتى تەندروستیى تورکیا لە راگەیێندراوێکدا، سەرەخۆشى لە قوربانیانى رووداوەکە کرد و راگەیاند، لێکۆڵینەوەکان لە رووداوەکە بەردەوامن.
#BREAKING: A helicopter crashed in Turkey's Mugla province leading to the death of four - State media pic.twitter.com/stJUUW1cwk
— Rudaw English (@RudawEnglish) December 22, 2024
رووداوەکە لەکاتێکدایە، دوو هەفتە لەمەوپێش، دوو هێلیکۆپتەری سەربازی تورکیا بەریەک کەوتن و لە ئەنجامدا شەس کەس گیانیان لەدەستدا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ