رووداو دیجیتاڵ
هاوسەرۆکی پارتی یەکسانی و دیموکراسیی گەلان - دەم پارتی دەڵێت، هەنگاوێکی گرنگ لە پرۆسەی نوێدا هەڵوەشاندنەوەی سیستمی قەییوومە.
ئەمڕۆ هەینی 23ی ئایاری 2025 لە ئامەدی باکووری کوردستان کۆبوونەوەی دەستەی بەڕێوەبەرایەتییەکانی خۆجێیی دیموکراتیی ژنان دەستیپێکرد و بۆ ماوەی دوو رۆژ بەردەوام دەبێت.
تولای هاتیمئۆغوڵڵاری، هاوسەرۆکی دەم پارتی و چیدەم کڵچگون ئوچار، هاوسەرۆکی پارتی هەرێمە دیموکراتییەکان - دەبەپە لە کۆبوونەوەکەدا بەشداربوون.
هاتیمئۆغوڵڵاری ئاماژەی بە پڕۆسەی ئاشتی کرد و رایگەیاند، "سیستمی قەییوم ئیرادەی گەلی کورد و سیستمی هاوسەرۆکایەتی پێشێل کردووە و پێویستە دەستبەجێ ئەم سیستمە هەڵبوەشێندرێتەوە."
هەرچەندە کورد لە هەڵبژاردنەکاندا زۆرترین شارەوانییەکان لە باکووری کوردستان دەباتەوە، بەڵام حکومەت بە بیانووی بوونی پەیوەندی، پێدانی سەرچاوەی دارایی بە پەکەکە، لایاندەبات و کەسی دیکە لە شوێنەکانیان دادەنێت؛ ئەم لەکارلادان و دانانەش بە 'قەییووم' ناودەبرێت.
تاوەکو ئێستا زیاتر لە 10 شارەوانیی دەم پارتی قەییومیان بۆ دانراوە، لەوانەش شارەوانیی مێردین، کە سەرۆکشارەوانییەکەی ئەحمەد تورک بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ