رووداو دیجیتاڵ
لە سنوورە ئاوییەکانی پارێزگای موغڵای تورکیا، بەلەمێکی کۆچبەران ژێرئاو کەوت. بەگوێرەی زانیارییە سەرەتاییەکان، حەوت کۆچبەر خنکاون و دووانیش رزگارکراون.
رووداوەکە ئەمڕۆ هەینی 24ی تشرینی یەکەمی 2025 لە کەناراوەکانی ئۆرتاکەنت سەر بە شارۆچکەی بۆدروم روویدا.
بەلەمێک کە ژمارەیەک کۆچبەری نایاسایی دەگواستەوە ژێرئاو کەوت. دوای رووداوەکە تیمەکانی ئاسایشی کەناراوەکان و تیمی ژێردەریایی گەیشتنە شوێنی رووداوەکە.
بەگوێرەی زانیارییە سەرەتاییەکان، دوو کۆچبەر رزگارکراون و تەرمی حەوت کۆچبەریش لەنێو ئاوەکە دەرهێندراون.
هێشتا ژمارە و ناسنامەی ئەو کۆچبەرانەی لە نێو بەلەمەکە بوون، رانەگەیێندراوە. تیمەکان بەردەوامن لە گەڕان لەنێو ئاوەکەدا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ