هەڵەیەک روویدا! دووبارە هەوڵبدە
رووداو دیجیتاڵ
عەبدولقادر ئوراڵئۆغڵو، وەزیری گواستنەوە و ژێرخانی تورکیا بەهۆی خێرا لێخوڕینی ئۆتۆمبیل لە رێگەی ئەنقەرە - نیغدە لەلایەن جەندرمەوە سزای بۆ نووسرا.
وەزیری گواستنەوە و ژێرخانی تورکیا لەکاتی تێپەڕبوونی بەو رێگەیەدا گرتەیەکی ڤیدیۆیی تۆمار کرد و بڵاویکردەوە. لە ڤیدیۆکەدا دیارە کە خێرایی ئۆتۆمبێلەکە دەگاتە 225 کیلۆمەتر لە کاژێرێکدا، لە کاتێكدا دەبێت خێرایی لەو رێگەیە 200 کیلۆمەتر زیاتر نەبێت.
هەواڵی سزادرانی ئەو وەزیرەی تورکیا بڵاوبووەوە و بەشێک لە میدیاکانی ئەو وڵاتەش سەرنجیان خستە سەری.
ئوراڵئۆغڵو بەرەبەیانی ئەمڕۆ دووشەممە 25-08-2025 لە تۆڕی کۆمەڵایەتیی ئێکس وێنەیەکی سزای پێبژاردنەکەی بڵاوکردەوە و نووسیویەتی، "لە رێگەی سەرەکیی ئەنقەرە-نیغدە شۆفێریم کرد و بە نائاگاییەوە ئەگەر کەمێکیش بووبێت، سنووری خێراییم تێپەڕاند. سزای پێویست لەلایەن جەندرمەوە نووسرا."
ئوراڵئۆغڵو دەڵێت، "دەمەوێت بە رای گشتی رابگەیەنم کە لەمەودوا زۆر زیاتر هۆشیار دەبم."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ