هەڵەیەک روویدا! دووبارە هەوڵبدە
رووداو دیجیتاڵ
ئاگر لە هۆتێلێکی ناوچەی ئوڵوداغی پارێزگای بورسە کەوتەوە و هەوڵی کۆنترۆڵکردنی بەردەوامە. سەرۆکی گەورەشارەوانیی بورسە دەڵێت کەسێک گیانی لەدەستداوە.
ئاگرەکە بەرەبەیانیی ئەمڕۆ (پێنجشەممە، 27-3-2025) لە هۆتێلێک بەناوی کاروان سەرای کەوتووەتەوە و لە ماوەیەکی کورتدا بە تەواوی تەشەنەی سەندووە.
تیمەکانی بەرگریی شارستانیی بورسە گەیشتنە شوێنی رووداوەکە و هەوڵی کۆنترۆڵکردنی بەردەوامە.
مستەفا بۆزبەی، سەرۆکی گەورەشارەوانیی بورسە رایگەیاند، لە رووداوەکەدا کەسێک گیانی لەدەستداوە.
ئەرۆڵ ئاییڵدز، پارێزگاری بورسە بە میدیای وڵاتەکەی راگەیاندووە، ئەو هۆتێلە بەهۆی بوونی کەموکوڕی داخراوە و کاژێر 06:00ـی بەرەبەیان، بە هۆکارێکی نادیار سووتاوە.
هەر بەگوێرەی راگەیێندراوەکە، هیچ میوانێک لە هۆتێلەکەدا نەبووە، بەڵام باس لەوە دەکرێت ئەگەری ئەوە هەیە کەسانێک لە ژوورەوە گیریان خواردبێت. هەر بۆیە تیمەکانی بەرگریی شارستانی لە هەوڵی دڵنیابوونەوەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ