هەڵەیەک روویدا! دووبارە هەوڵبدە
رووداو دیجیتاڵ
رەجەب تەیب ئەردۆغان، سەرۆککۆماری تورکیا گەیشتە ئازەربایجان و لەگەڵ ئیلهام عەلیێڤ، سەرۆککۆماری ئازەربایجان بەشدارییان لە کردنەوەی فڕۆکەخانەی نێودەوڵەتیی لاچین کرد.
رەجەب تەیب ئەردۆغان بە بۆنەی رۆژی سەربەخۆیی ئازەربایجان ئەمڕۆ چوارشەممە 28-5-2025 گەیشتە ئەو وڵاتە و لەلایەن ئیلهام عەلیەڤ پێشوازیی لێکرا.
ئەردۆغان لە فڕۆکەخانەی نێودەوڵەتیی لاچین نیشتەوە و لەلایەن عەلیێڤ پێشوازیی لێکرا. هەر لە چوارچێوەی پرۆگرامەکاندا هەردوو سەرۆککۆمار لە رێوڕەسمێکدا فڕۆکەخانەی نێودەوڵەتیی لاچینیان کردەوە.
کلیلی سیمبولیی فڕۆکەخانەکە بە ئەردۆغان و عەلیەڤ درا و هەردووکیان وێنەیان بە کلیلەکان گرت؛ بەوجۆرە فڕۆکەخانەی لاچین بە فەرمی کارا کرا.
شارى لاچين دەكەوێتە سەر سنوورى ئازەربايجان، بەهۆى ئەوەى تاكە رێگەى نێوان قەرەباخ و ئەرمينيايە و ناوى "رێرەوى لاچين"ی لێنراوە، رێگەيەكى ستراتيژييە. پێشتر بەشێکی زۆری دانیشتووانی کورد بوون.
لە نەوەدەکانی سەتەی رابردوو، لاچین يەكێك بوو لە يەكەمین ئامانجەكانى هێزەكانى ئەرمينيا و لە 18ـی ئايارى ساڵى 1992 کەوتە ژێردەستی ئەرمینیا. سەرەڕای هەموو هەوڵێک، سوپای ئازەربایجان نەیتوانی کۆنترۆڵی بکاتەوە.
ئازەربایجان ، دواى 28 ساڵ لە شەڕێکدا سوپای ئەرمینیای شکاند هەرێمی ناگۆرنۆ قەرەباخی کۆنترۆڵ کرد.
سوپای ئازەربایجان رۆژی 1-12-2020 جارێکی دیکە گەڕایەوە نێو پارێزگاى لاچين. کشانەوەی سوپای ئەرمینیا لە چوارچێوەی رێککەوتنێک لەگەڵ ئازەربایجان بە نێوەندگیریی رووسیا کراو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ