ئەمشەو لە گەڕەکی شۆڕشی قەزای بەردەرەش، بەهۆی کێشەیەکی کۆنی کۆمەڵایەتییەوە تەقە لە ماڵێک کرا و لە ئەنجام دا دوو مێرمنداڵ بە سەختی بریندار بوون؛ پۆلیسیش دەڵێت، تۆمەتباری سەرەکیی رووداوەکەیان دەستگیر کردووە.
ئەمشەو بە دوو درۆن هێرش کرایە سەر کێڵگەی سەرسنگ لە پارێزگای دهۆک. راوێژکاری ئاسایشی کۆمپانیاکانی نەوت دەڵێ، هێرشەکە زیانی هەبووە و لە ئەنجام دا کۆمپانیای وەبەرهێنەر بەرهەمهێنانی لە کێڵگەکەدا وەستاندووە.
دانیشتووانی گوندەکانی دەڤەری بەرێگارە لە ئامێدی، وەک ناڕەزایەتی بەرامبەر رێگریکردن لێیان لە گەڕانەوە بۆ سەر ماڵ و گوندەکانیان، رێگەی سەرەکیی نێوان ئامێدی و شێلادزێیان بە بلۆک داخست. ئەوان دەڵێن سێ ساڵە بەهۆی شەڕی پەکەکە و تورکیاوە رێگەیان لێگیراوە.
بەفربارین هەردوو چیای گارە و مەتینی سپیپۆش کردووە و ژمارەیەکی زۆر گەشتیاری لە پارێزگاکانی عێراق و ناوچەکانی دیکە بردووەتە پارێزگای دهۆک. لە کەشێکی سارددا، خێزانێکی دهۆکی میوانداریی گەشتیارانی عەرەبی موسڵ دەکەن.
سامی خدر، بەڕێوەبەری بنکەی منداڵبوون لە رۆڤیا دەڵێت، "بنکەکە هێشتا نەکراوەتەوە لەبەر چەند هۆکارێک، کە دیارترینیان نەبوونی ستافە. دەبێت پزیشکی ئافرەتان، کارگوزار، کەلوپەل و تاقیگە هەبێت، ئەوانەش تاوەکو ئێستا بۆ ئەم بنکەیە دابین نەکراون. بەڕێوەبەری ناحیە داواکارییەکەمانی گەیاندووەتە بەڕێوەبەرایەتیی تەندروستیی بەردەڕەش و ئەوانیش ئاگادارن. بەڕاستی ئەوانیش هەوڵیان داوە، بەڵام نازانم بۆچی سەرەڕای ئەوانەش، ئیشەکە ناکرێتەوە."
وەکو ئەوەی لە پاشماوەکەی دەردەکەوێت، تەقینەوەکە گەورە بووە. ئۆتۆمبێلێکی جۆری سۆرینتۆی مۆدێل 2022 ورد و خاش بووە. تەقینەوەکە کاژێر 07:10ـی بەیانیی ئەمڕۆ روویدا، بەڵام هێشتا دووکەڵ لە چەند شوێنێک بەرز دەبێتەوە.
لە دەڤەری بەرواری باڵا، ئیتر دەنگی تۆپ و فڕۆکە جەنگییەکان خامۆش بوون و لەبری ئەوان، دەنگە خۆش و پڕ هیواکانی ئامێرەکانی کارکردن و چەکوشەکانی دارتاشان بەرز دەبنەوە. ئەو ناوچەیە گۆڕانکارییەکی گەورە بەخۆوە دەبینێت و خەڵکەکەی بە پەرۆشەوە سەرقاڵی بنیاتنانەوە و گێڕانەوەی ژیانن.
لە دهۆک سیستمی گازی ئۆتۆمبێلێک تەقییەوە و بەهۆیەوە دوو کەس گیانیان لەدەستدا.
ئەمڕۆ شەممە، سێیەم کەس لەو 6 کەسەی رۆژی پێنجشەممە لە قەزای شێخان کەوتبوونە نێو تانکەرێکی گازەوە، گیانی لەدەستدا.
