یاریزانێکی ریال مەدرید لەگەڵ دایکی خۆشەویستی پێشووی پەیوەندی دەبەستێت

03-02-2025
دیاری حەسەن
نیشانەکردن فران گارسیا یانەی ریال مەدرید
A+ A-
رووداو دیجیتاڵ
 
فران گارسیا، یاریزانی یانەی ریال مەدرید، وازی لە خۆشەویستەکەی هێناوە و پەیوەندی لەگەڵ دایکی خۆشەویستەکەی بەستووە.
 
چەند سەرچاوەیەکی ئیسپانی دەنگۆی جیابوونەوەی ئەستێرەی ریال مەدرید، فران گارسیا و ئێستێیا لاماسی خۆشەویستی بڵاوکردەوە، ئەو یاریزانە بۆ ماوەی 3 ساڵ لە پەیوەندیی خۆشەویستی بووە لەگەڵ ئەو خانمە.
 
ئەوەی بووەتە بابەتی میدیاکان، دەنگۆی پەیوەندیی نێوان فان گارسیا و دایکی خۆشەویستیی پێشوویەتی، میدیا ئیسپانییەکان ئەوەیان خستووەتەڕوو کە ئەستێرەکەی ریال مەدرید، ئێستا لە پەیوەندیدایە لەگەڵ دایکی ئەو خانمە.
 
ئەو بابەتە تاوەکو ئێستا دەنگۆیە و بەڵگەیەکی روون لەسەر روودانی نییە،بەڵام لە سۆشیال میدیای ئیسپانیا دەنگدانەوەیەکی زۆری هەبووە بە تایبەت دوای دەرکەوتنی فران گارسیا و دایکی خۆشەویستیی پێشووی بەیەکەوە.
 
 ئێستێیا، دوای بڵاوبوونەوەی دەنگۆکان، هەژماری ئینستاگرامی خۆی داخستووە و کردوویەتی بە هەژمارێکی تایبەت، بەڵام ئەو خانمە تاوەکو ئێستا ڤیدیۆ و وێنەی فران گارسیای لە هەژماریی تیکتۆکی خۆی نەسڕیوەتەوە.
 
فران گارسیا، تەمەنی 25 ساڵە و ئەستێرەی یانەی ریال مەدریدە، ئەو یاریزانە ساڵی 2023 لە یانەی رایۆ ڤاییکانۆوە بە دەستەوارەیەکی 5 ملیۆن یۆرۆیی گەڕایەوە ریزەکانی یانەی ریال مەدرید. 
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە