رووداو دیجیتاڵ
یانەی ریال مەدرید دوای ئەوەی لە دێربیی مەدریددا پێنج گۆڵی لێکرا و لە چامپیۆنزلیگدا پێنج گۆڵی لە کایرات کرد، دەیەوێت لە لالیگادا بگەڕێتەوە سەر بردنەوەکان و سەرکەوتنێکی دیکە بەدەستبهێنێت.
لە رکابەرییەکانی گەڕی هەشتەمی لالیگادا، کاژێر 22:00 یانەی ریال مەدرید لە سانتیاگۆ بێرنابیۆ بەرامبەر یانەی ڤیاریال یاری دەکات و دەیەوێت قەرەبووی دۆڕانە گەورەکەی گەڕی رابردوو بکاتەوە، کاتێک بەرامبەر ئاتلێتیکۆ مەدرید پێنج گۆڵی لێکرا و بەهۆیەوە یانەکە پێشەنگی خولەکەی لە بەرژەوەندی بارسێلۆنا لەدەستدا.
ریال مەدرید لە گەشتێکی دوور و درێژ گەڕاوەتەوە، بەڵام رۆژی هەینی دوایین مەشق و ئامادەکارییەکانی بۆ یارییەکە بەبێ کێشە ئەنجامدا و تیپەکە ئامادەیە.
هەریە لە دانی کارڤاخاڵ، ئەلیکساندەر ئارنۆڵد و ئەنتۆنیۆ رۆدیگێر بەشداری لە یارییەکەدا ناکەن و فێرلان مێندی و ئێدێر مێلیتاو گومانیان لەسەرە.
ئەم یارییە یەکێک لە بەهێزترین یارییەکانی خولەکە دەبێت تاوەکو ئێستا، بەوپێیەی هەردوو یانە یارییەکیان دۆڕاندووە، ریال مەدرید بە 18 خاڵ لە پلەی دووەمە و ڤیاریال بە 16 خاڵ لە پلەی سێیەمی ریزبەندی خولەکەیە.
لە دوایین چوار یاریی نێوان هەردوو یانەدا کە رۆژی شەممە ئەنجامدرابێت، ڤیاریال دووجار لە ریال مەدریدی بردووەتەوە و ئەمشەویش دەیەوێت پلەی دووەمی ریزبەند لە خولەکە وەربگرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ