رووداو دیجیتاڵ
یارییەکانی قۆناخی هەشتی جامی عێراق بەڕێوەدەچن، سێ یانەی کوردستان لەم قۆناخەدا ماون و رکابەری لەسەر گەیشتن بە قۆناخی پێشکۆتایی پاڵەوانێتییەکە دەکەن.
کاژێر 19:00 یانەی دهۆک لە دووەم یارییدا لەژێر سەرپەرشتی سلێمان رەمەزان، لەنێو یاریگە و هاندەرانیدا بەرامبەر یانەی مینا یاری دەکات و دەیەوێت سوود لە یاریگە و هاندەرانی وەربگرێت بۆ ئەوەی هەنگاوێکی دیکە لە پاڵەوانێتییەکەدا بچێتە پێشەوە و خۆی بگەیێنێتە قۆناخی پێشکۆتایی پاڵەوانێتییەکە.
دهۆک پێچەوانەی هەموو پێشبینییەکان لە دوای بردنەوەی نازناوی جامی کەنداو، لە خولی ئەستێرەکانی عێراقدا ئەنجامەکانی رووی لە خراپی کرد و کەوتە دۆخێکی ئاڵۆزەوە، دوای 9 یاریی بەبێ بردنەوە، لە دوایین گەڕی خولی ئەستێرەکانی عێراقدا سەرکەوتنی بەدەستهێنا و دەیەوێت ئەو سەرکەوتنە بکاتە هەلێک بۆ بەرزکردنەوەی ئاستی تیپەکە و بەدەستهێنانی ئەنجامێکی باش لە یارییەکەی ئەمڕۆدا.
سەرجەم یاریزانانی یانەی دهۆک بۆ یارییەکە ئامادەن، دەستەی کارگێڕی، راهێنەر و یاریزانانی یانەی دهۆک لە رێگەی پەیامی جیاوازەوە داوا لە هاندەرانیان دەکەن لە یارییەکەی ئەمڕۆدا لە یاریگەدا ئامادەبن، بۆ پاڵپشتیکردنی یانەکە لەپێناو بەدەستهێنانی سەرکەوتن و گەیشتن بە قۆناخی پێشکۆتایی پاڵەوانێتییەکە.
دهۆک لەم وەرزەدا دوو یاریی بەرامبەر یانەی مینا ئەنجامدا، لە هەردوو یارییدا هەردوو تیپ بە گۆڵێک بۆ هەرلایەک یەکسانبوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ