رووداو دیجیتاڵ
یانەی ریال مەدریدی ئیسپانی بەشێوەیەکی فەرمی گواستنەوەی کێپا ئاریزابالاگا، گۆڵپارێزیی ئیسپانیی بۆ ریزەکانی یانەکەی راگەیاند.
بەپێی راگەیێنراوی یانەی ریال مەدرید، ریال مەدرید و چێڵسی لەسەر گواستنەوەی کێپا ئاریزابالاگا رێککەوتن، بۆ ئەوەی گۆڵپارێزەکە تاوەکو 30ـی حوزەیرانی ساڵی 2024 بەشێوەی خواستن لە یانەی ریال مەدرید یاریی بکات.
گواستنەوەی گۆڵپارێزە ئیسپانییەکە، بۆ پڕکردنەوەی شوێنی تیبۆ کۆرتوای گۆڵپارێزی بەلجیکییەکە، کە دوو رۆژ بەر لە دەستپێکردنی وەرزی نوێی لالیگا بەهۆی پچڕانی بەستەرەکانی ئەژنۆی تووشی پێکانێکی قورس بوو و بەو هۆیەوە تاوەکو کۆتایی وەرز ناگەڕێتەوە نێو یاریگەکان.
کێپا لە ریزەکانی یانەی چێڵسی نازناوێکی چامپیۆنزلیگ، نازناوێکی جامی جیهانی یانەکان، جامێکی سوپەری ئەوروپا و نازناوێکی یۆرۆپالیگی بردووەتەوە، ئەمساڵیش خەڵاتی باشترین گەڕاندنەوەی لە پرێمەرلیگی وەرزی رابردوودا وەرگرت.
کێپا لە هەڵبژاردەی ئیسپانیا یارییدەکات، رۆژی سێشەممە کاژێر 13:30 بەکاتی مەدرید و 14:30 بەکاتی باشووری کوردستان وەک گۆڵپارێزی ریال مەدرید بە میدیاکان دەناسێنرێت و دوای ئەوەش لە کۆنگرەیەکی رۆژنامەڤانیدا گۆڵپارێزە ئیسپانییەکە قسە بۆ رۆژنامەڤانان دەکات.
👋 @kepa_46 👋#WelcomeKepa pic.twitter.com/z9kvorhkT7
— Real Madrid C.F. (@realmadrid) August 14, 2023
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ