پێشبڕکێی مۆتۆ جی پی
رووداو - هەولێر
هەردوو مۆتۆرسواری ئیسپانیی تیپی سۆزۆکی، ئەلێکس رێنز و جوان میر، پلەی یەکەم و دووەمیان بەدەستهێنا لە رۆژی یەکەمی پێشبڕکێی مۆتۆ جی پی.
پێشبڕکێیەکە لەسەر پانکی لۆسێلی نێودەوڵەتی لە دەوحەی پایتەختی قەتەر بەڕێوەچوو، بەبەشداری بەنێوبانگترین نۆتۆرسوارانی جیهان.
رێنز خێراترین ماوەی خولانەوەی تۆمارکرد، کە بریتی بوو لە 54.462 چرکە، کە بە جیاوازی تەنیا دوو بەش لە هەزاری چرکە پێش هاوڕێیەکەی کەوت.
مۆتۆرسواری تیپی یاماها، مافریک ڤینالێسی ئیسپانی، کە پێشەنگی ریزبەندی گرتووە، لەم پێشبڕکێیەدا پلەی سێیەمی بەدەستهێنا و ماوەی پێشبڕکێکەی بە جیاوازی 0.032 لە خاوەن پلەی یەکەمی بڕی.
پێشبڕکێی کردنەوەی وەرزی نوێ لەسەر هەمان پانک لە 8ی ئاداری داهاتوو بەڕێوەچوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ