رووداو دیجیتاڵ
بە ئامانجی گەڕانەوە بۆ سەر رێگەی راست و بەدەستهێنانی بردنەوەیەکی دیکە، یانەی هەولێر لە دەرەوەی یاریگەی خۆی یارییەکی زەحمەتی دەبێت و بەرامبەر یانەی گەرمە یاری دەکات.
ئەمڕۆ ئێوارە لە یاریگەی روومادی، یانەی هەولێر لە رکابەرییەکانی گەڕی 29ـی خولی ئەستێرەکانی عێراق دەبێتە میوانی یانەی گەرمە.
هەولێر لە یاریی رابردوودا لە یاریگەی خۆیدا و لەبەردەم هاندەرانیدا بە یانەی نەفت دۆڕا، یانەکە لە دۆخێکی خراپدایە و تاوەکو ئێستا لەم وەرزەی خولی ئەستێرەکانی عێراقدا 12 یاریی دۆڕاندووە.
هەولێر لە پلەی چواردەیەمی ریزبەندی خولەکەیە و لە دوایین 5 یارییدا یانەکە 4 یاریی دۆڕاندووە.
گەرمە لە دوایین 7 یارییدا تەنیا یەک یاریی دۆڕاندووە و ئێستا یانەکە لە پلەی یازدەیەمی ریزبەندە و دەیەوێت سوود لە یاریگە و هاندەرانی وەربگرێت بۆ ئەوەی یارییەکە بباتەوە و زیاتر لە پلەکانی پێشەوە نزیکببێتەوە.
یاریی هەولێر و گەرمە لە روومادی، کاژێر 17:00 بەڕێوەدەچێت، یارییەکە راستەوخۆ لە پەیجی رووداو سپۆرتس بەکۆمێنتاریی عیسا مەجید دەگوازرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ