گوتەبێژی نەتەوە یەکگرتووەکان بۆ رووداو: دەبێت کورد لە سووریادا رۆڵی هەبێت

رووداو- نیویۆرک 

گوتەبێژی سکرتێری گشتی نەتەوەیەکگرتووەکان دەڵێت، ئەنتۆنیۆ گوتێرێز جەختی لەسەر ئەوە کردوەتەوە کە دەبێت هەر چارەسەرێکی قەیرانی سووریا چەند بنەمایەکی سەرەکی تێدابێت و کوردیش لە سووریا رۆڵی هەبێت. 

ستیڤان دوجاریک، گوتەبێژی سکرتێری گشتی نەتەوە یەکگرتووەکان بە تۆڕی میدیایی رووداوی راگەیاند، پێویستە یەکگرتوویی و یەکپارچەیی خاکی سووریا بپارێزرێت و نیگەرانییە رەواکانی وڵاتان لەبەرچاو بگیرێت و پێکهاتە جیاوازەکانی سووریاش رۆڵیان هەبێت. 

دوجاریک ئاماژەی بەوەشکرد، هەرچەندە هێشتا بابەتی لیژنەی نووسینەوەی دەستوور یەکلایی نەبووەتەوە، بەڵام بەلای سکرتێری گشتی نەتەوەیەکگرتووەکانەوە گرنگە کورد و هەموو پێکهاتەکانی دیکەی سووریا رۆڵیان لەو وڵاتەدا هەبێت.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger