هەڵەیەک روویدا! دووبارە هەوڵبدە
رووداو دیجیتاڵ
وەزیری دەرەوەی سووریا، دوای کۆبوونەوەی لەگەڵ نێچیرڤان بارزانی، سەرۆکی هەرێمی کوردستان، قسەی بۆ تۆڕی میدیایی رووداو کرد و گوتی: "کۆبوونەوەمان لەگەڵ کاک نێچیرڤان زۆر باش بوو. ئێمە دیداری بەردەواممان هەیە. کۆبوونەوەی یەکەممان پار هەر لە میونشن بەڕێوەچوو."
شەیبانی گوتی: "بەڕێز نێچیرڤان بارزانی دووبارە جەختی لەسەر پشتیوانیی خۆی بۆ ئەم رێککەوتنەی ئێستا لەگەڵ قەسەدە (هەسەدە) کردەوە و جەختی کردە سەر پشتیوانیی خۆی بۆ یەکێتی و سەلامەتیی خاکی سووریا و پێویستیی تێکەڵبوون و پێویستیی ئەوەی کە بەرژەوەندییەکانی سووریا کاری لەپێشینی هەموو لایەک بێت."
لەبارەی ئەوەی ئایا شاندی هەسەدە داوای خۆبەڕێوەبەرییان کردووە، ئەسعەد شەیبانی، وەزیری دەرەوەی سووریا بە پەیامنێری رووداوی گوت: "داوای لەو جۆرەیان نەبووە، بەڵام ئێمە بڕوامان بە سووریایەکی یەکگرتوو هەیە کە ماف و سەلامەتیی هەموو لایەک گەرەنتی بکات بە کوردیشەوە."
لەبارەی پەیوەندییەکانیشیان لەگەڵ ئەمریکا، وەزیری دەرەوەی حکومەتی کاتیی سووریا گوتی: "ولایەتە یەکگرتووەکانی ئەمریکا پشتیوانی حکومەتی سووریایە و پشتگیری لە یەکێتی خاکی سووریا و سەرکەوتنی ئەم قۆناخە دەکات."
وەزیری دەرەوەی سووریا گوتیشی: "زۆر کردەییش بوون لە هەڵگرتنی سزاکانی سەر سووریا و ئەمڕۆش پشتیوانی لە پرۆسەی بنیاتنانەوە دەکات. ئەم کۆبوونەوەیە زۆر باش بوو، خزمەتی ئەو رێچکەیە دەکات کە حکومەتی ئێستای سووریا لەسەری دەڕوات."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ