رووداو دیجیتاڵ
جێگری یاریدەدەری سەرۆکی ئەمریکا لەبارەی سیاسەتی ئیدارەی ترەمپ لە عێراق و سووریا قسەی بۆ رووداو کرد و گوتی، نابێت هیچ شوێنێکی جیهان بۆ هێرشکردنە سەر هاووڵاتییانی ئەمریکا بەکاربهێندرێت. بەرپرسە باڵاکەی ئەمریکا پەسنی کارەکانی گەلی کوردی کرد و گوتی: "خودا کوردی دۆستمان بپارێزێت."
رۆژی هەینی 21-02-2025 سیباستیان گۆرکا، جێگری یاریدەدەری دۆناڵد ترەمپ، سەرۆکی ئەمریکا و بەڕێوەبەری باڵای ئیدارەی ترەمپ بۆ بەرەنگاربوونەوەی تیرۆر بە دیار کوردە، بەرپرسی نووسینگەی رووداوی لە واشنتنی گوت: "سیاسەتی سەرۆک [ترەمپ] زۆر سادەیە. نابێت هیچ شوێنێکی جیهان بۆ هێرشکردنە سەر هاووڵاتییانی ئەمریکا بەکاربهێندرێت."
گۆرکا ستایشی کارەکانی گەلی کوردی کرد و گوتی: "خودا کوردی دۆستمان بپارێزێت بۆ هەموو ئەو شتانەی کە کردوویانن لەپێناو بەدیهێنانی ئەو ئامانجە".
جێگری یاریدەدەری دۆناڵد ترەمپ بۆ رووداو: خودا پشتیوانی هاوڕێ کوردەکانمان بێت کە نەیانهێشتووە بەشێکی جیهان بۆ هێرشکردنەسەر هاووڵاتییانی ئەمریکی بەکاربهێنرێت pic.twitter.com/E0rdn9U90H
— Rudaw (@Rudawkurdish) February 21, 2025
ئەو بەرپرسە ئەمریکییە رۆژی 25-10-2017ـیش قسەی بۆ رووداو کرد و گوتی: "دەتوانم بە دڵنیاییەوە بڵێم کە سەرۆک پشتیوانییەکی زۆر لە گەلی کورد دەکات. ئەو دەزانێت کە کوردەکان لە چەند ساڵی رابردوودا زۆر شتیان بۆ سەقامگیریی ناوچەکە کردووە."
گۆرکا لە هەردوو خولی سەرۆکایەتیی ترەمپدا یاریدەدەر بووە و تەمەنی 54 ساڵە، وڵاتینامەی ئەمریکی، بەریتانی و هەنگاری هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ