Hewlêr (Rûdaw) - Saziya Berhemên Axê ya Wezareta Çandinî û Daristanê ya Tirkiyeyê ragihand ku dê îsal ji cotkaran tonek genim bi 13 hezar û 500 lîreyî wergire û tonek ceh bi 11 hezar lîreyî wergire.
Saziya Berhemên Axê ya Wezareta Çandinî û Daristanê ya Tirkiyeyê, bihayê wergirtina ceh û genim ê ji bo sala 2025an eşkere kir.
Saziya Berhemên Axê diyar kir ku li Tirkiye û Bakurê Kurdistanê meha gulanê dirûna berheman dest pê kiriye û heta niha ji sedî 2ê berhemên çandiniyê hatine dirûn.
Saziya Berhemên Axê, îsal ji cotkaran tonek genimê ji bo makarna û nan bi 13 hezar û 500 lîreyî werdigire û tonek ceh bi 11 hezar lîreyî werdigire.
Her wiha dê ji bo her tonek ceh û genim 2 hezar û 520 lîre jî piştgirî bide cotkaran.
Cotkar piştî ku berhemên xwe radestî Saziya Berhemên Axê bikin, dê dii nav 30 rojan de tevî piştgiriya dewletê pereyên xwe wergirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse