Hewlêr (Rûdaw) - Baroya Amedê ragihand ku bi armanca pêşkêşkirina alîkariya hiqûqî ya pêvajoya çareseriyê, komîsyoneke taybet ava kiriye.
Baroya Amedê daxuyaniyek belav kir û diyar kir ku di çarçoveya pêwîstiyên hiqûqî yên pêvajoya çareseriyê de wan komîsyoneke taybet ava kiriye.
Hat ragihandin ku civîna yekem a komîsyonê bi serokatiya Serokê Baroya Amedê Abdulkadîr Guleç pêk hatiye.
Li gor daxuyaniyê, komîsyon dê li ser mijarên wekî entegrasyon, zimanê dayîkê, yasaya înfazê û pênaseya welatîbûnê xebatan bike û li gorî pêwîstiyê dê nexşerêyek were amadekirin.
Baroya Amedê her wiha da zanîn ku ji bo pirsgirêka Kurdan bi awayekî aştiyane û demokratîk were çareserkirin, ew wekî baro amade ne alîkariya hiqûqî pêşkêş bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse