Hewlêr (Rûdaw) - Li bazara sûtemeniyê li gundê el-Kosa li başûrê bajarê Cerablusê ku dikeve ser sînorê Bakurê Kurdistanê şeva derbasbûyî êrîşeke bi mûşekan pêk hat.
Li gor çavkaniyên xwecihî, êrîş bi rokêtan hatiye encamdan û bûye sedema teqîn û şewatên mezin.
Çavkaniyên xwecihî diyar kirine ku ji encama êrîşê, ji bilî zerer û ziyanên maddî yên pir mezin, 5 kes hatine kuştin û 14 kesên din jî birîndar bûne.
Çavkaniyên nêzîk ji opozisyona Sûriyê dibêjin ku tê texmînkirin hêzên Rûsî ji binkeya Himêmîmê bi rokêtên dûravêj ew bazar û rafînerên sûtemeniyê kiribûn armanc.
Li heta niha tu aliyekî daxuyaniyên fermî derbarê vê êrîşê de nedane û ne jî tu aliyekî bepirsatiya wê li xwe girtiye. Bajarê Cerablusê niha di bin destê artêşa Tirkiyê û grûpên çekdar ên ser bi wî welatî ve de ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse