رووداو دیجیتاڵ
لە عەممانی ئوردن، پێشانگەیەک بۆ چوار شێوەکاری فەڵەستینی کرایەوە، ناوەڕۆکی لەبارەی دۆخی غەززە و هێرشەکانی ئیسرائیلە بۆ سەر ئەو شارە.
پێشانگەکە بەناونیشانی "لە ژێر ئاگر"ـە، تێیدا چوار شێوەکارەکەی غەززە لەگەڵ هێرشی تووند بۆ سەر شارەکەیان، لە هونەرەکەیان بەردەوامبوونە و وێنەیان کێشاوە و بەرهەمەکانیان گەیاندووەتە میسر، دواتر 80 تابلۆ هەڵبژێردراون و بۆ ئوردن نێردراون.
محەممەد شەقدیح، بەڕێوەبەری پێشانگەکە و جێگری بەڕێوەبەری گەلەری "دارەت فنون" کە پێشانگەکەی تێدا کراوەتەوە، رایگەیاند، لەگەڵ ئەو دۆخە نامرۆڤانەی ئەو هونەرمەندانە تێیدا بوون، لە داهێنان بەردەوامبوون، بەتایبەتیش ئاوەرەبوونی زۆرەملێ، برسێتی و نەبوونی پێداویستییە سەرەتاییەکان.
ئاماژەی بۆ ئەوەشکرد، ئەو کەرستانەی لە وێنەکێشاندا بەکاریانهێناوە زۆر سەرەتایی بوونە و لە هەر شتێک لە بەردەستیان بووە، وێنەیان پێی کێشاوە.
لە دوای هێرشی حەماس بۆ سەر ئیسرائیل لە 7ـی تشرینی یەکەمی 2023 زیاتر لە هەزار و 200 کەسی سڤیل کوژران و 250 کەسیش رفێندران و تاوەکو ئێستا 100 لەو رفێندراوانە ئازاد نەکراون. هێرشی ئیسرائیل بەرامبەر بەو هێرشە تاوەکو ئێستا بەردەوامە، بەپێی ئاماری وەزارەتی تەندروستیی کەرتی غەززە، بەهۆی هێرشەکانەوە تاوەکو ئێستا زیاتر لە 43 هەزار و 800 فەڵەستنی کوژراون، زۆربەیان ژن و منداڵن.
لە پێشانگەکەدا جگە لە تابلۆکان، نامەی شێوەکارەکانیش خراونەتەڕوو، تێیدا تیشکیان خستووەتە سەر دۆخی ژیان و دەروونیان. لە یەکێک لە نامەکاندا، شێوەکارێک باسی تێکدانی ماڵەکەی و ستۆدیۆی کارەکەی دەکات، تێیدا بەرهەمی هونەرییەکانی لە ماوەی 30 ساڵی رابردوودا پاراستبوو کە بەرهەمی هێنابوون.
پێشانگەکە لە نێوەڕاستی تشرینی یەکەمی 2024 کرایەوە و بڕیارە تاوەکو ئاداری 2025 بەردەوام بێت.
.jpg "پێشانگەی \"لە ژێر ئاگر\". وێنە: AFP")
.jpg "پێشانگەی \"لە ژێر ئاگر\". وێنە: AFP")
.jpg "پێشانگەی \"لە ژێر ئاگر\". وێنە: AFP")
.jpg "پۆستەری پێشانگەی \"لە ژێر ئاگر\" لە عەممان. وێنە: AFP")
.jpg "محەممەد شەقدیح، بەڕێوەبەری پێشانگەکە. وێنە: AFP")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ