هەڵەیەک روویدا! دووبارە هەوڵبدە
دوو فێرخوازی بەشداربوو لە خولی میوزیکی گرووپەکەدا
رووداو دیجیتاڵ
ژمارەیەک گەنجن لە شاری غەززە، گرووپێکی میوزیکیان بۆ دوورکەوتنەوە لە کاریگەرییەکانی جەنگ دامەزراندووە.
یارا کچێکی تەمەن 17 ساڵە و ئەندامی گرووپەکەیە کە بەناوی (باڵندەکانی غەززە دەجریوێنن)ـە، رۆژانە راهێنان لەسەر ئامێرەکانی میوزیک، لەوانە شمشاڵ و ڤایۆلێن دەکەن.
یارا ئەبو عمەشە، فێرخوازێکە لە گرووپەکەدا و دەڵێت: "زۆر حەزم لە میوزیکە و ویستم ببمە بەشێک لەم گرووپە. لەو رێگەیەوە توانیم ورەم بەرزبکەمەوە و لە بیرکردنەوە، لە جەنگیش دوورکەومەوە. توانیم لە دەنگی خاپوورکردن و بۆردوومان دوورکەومەوە".
بەگوێرەی سەنتەری راهێنانی کۆمەڵگە بۆ رووبەڕووبوونەوەی قەیرانەکان، ٪96ـی منداڵانی غەززە دەڵێن، مردن بەهۆی جەنگەوە مەترسییەکی راستەقینەیە.
هەروەها نیوەی منداڵانیش پێیانوایە لەم جەنگەدا دەمرن.
ئەو بیرکردنەوانە و بۆردوومانەکانی رۆژانە کاریگەری زۆری دەروونی لەسەر ئێستا و داهاتوویان دروستکردووە.
ئەحمەد ئەبو عەمشە، مامۆستای میوزیکییە و دەڵێت: "ئەم گرووپەمان بەناوی (باڵندەکانی غەززە دەجریوێنن) دامەزراند. ئەم گرووپە میوزیکی نیشتمانی، خۆشەویستی و ئاشتی دەژەنێت و ئامانجیان نەهێشتنی ئازاری دەروونی منداڵانە".
بەگوێرەی رێکخراوی نێودەوڵەتیی منداڵپارێزی، لە تشرینی یەکەمی 2023ـەوە، لە هەر کاژێرێک منداڵێک لە غەززە کوژراوە. ئەمە جگە لە بێسەروشووێنبوونی زیاتر لە 20 هەزار منداڵی کەرتەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ