پۆستەری کۆنسێرتی ماڵی میوزیکیی زەهاوی لە هەڵەبجە
رووداو دیجیتاڵ
ماڵی میوزیکیی زەهاوی کە لەلایەن هەژار زەهاوی، دەفژەنی ناسراوی کورد سەپەرشتی دەکرێت، کۆنسێرتێکی تایبەت لە شاری هەڵەبجە ساز دەکات، تێیدا دوو گرووپی میوزیکیی یەکیکیان لە رۆژهەڵاتی کوردستان و ئەوەی دیکەیان لە باشووری کوردستان بەشدارن.
هەژار زەهاوی، دامەزرێنەر و سەرپەرشتیاری ماڵی میوزیکیی زەهاوی و سەرپەرشتیاری کۆنسێرتەکە، بە رووداوی راگەیاند: "لە درێژەی ئەو کۆنسێرتانەی ئەمساڵ پێشکێشمان کردوون، وێستگەی داهاتوومان شاری هەڵەبجە دەبێت. کۆنسێرتەکە شەوی پێنجشەممە 25ـی ئەیلوولی 2025 لە پارکی هەڵەبجە بەڕێوەدەچێت".
سەبارەت بە بەشداربووانی کۆنسێرتەکە، هەژار زەهاوی گوتی: "کۆنسێرتەکە تایبەتە بە گرووپی میوزیکیی نۆژین لە رۆژهەڵاتی کوردستان و پڕۆژەی میوزیکیی (11:11) لە باشووری کوردستان.
ماڵی میوزیکیی زەهاوی لە کۆنسێرتەکانی ئەمساڵیدا، ئامانجی ناساندنی گرووپە میوزیکییە کوردییەکانە لە چوار پارچەی کوردستان و کۆکردنەوەیانە لە چوارچێوی کۆنسێرتێک.
کۆنسێرتەکە کاژێر 08:00ـی شەو، بە سپۆنسەری میدیایی تۆڕی میدیایی رووداو بەرێوەدەچێت و هاتن بۆ هەمووانە.
پڕۆژەی هونەریی (11:11) کە ماوەی دوو ساڵە کار بۆ بەستنەوەی هونەری رەسەنی کوردی بە جیهانی مۆدێرن دەکات، بەم دواییە نوێترین ڤیدیۆکلیپی نوێکردنەوەی گۆرانییەکی محەممەد ماملێ بەناوی (ئەی یار) کە لەنێو سرووشتی جوانی مێرگەپان وێنەگیراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ