گرووپی میوزیکیی کچانی حەنا
رووداو- هەولێر
گرووپی میوزیکیی کچانی حەنا کە لە کۆمەڵێک کچی کوردی ئیلامی رۆژهەڵاتی کوردستان پێکدێن و نیشتەجێی پارێزگای خوزستانن، نوێترین بەرهەمی بەشێوەی ڤیدیۆکلیپێک بەناوی "مەلوول گیان" بڵاوکردەوە.
گۆرانیی "مەلوول گیان" پێشتر لەلایەن چەند هونەرمەندێک گوتراوە، بەتایبەتیش لەلایەن هونەرمەند ناسر رەزازییەوە.
زەهرا و رەیحانە مورادی، دوو خوشکی دووانەن و گۆرانیبێژی سەرەکیی گرووپەکەن و گۆرانییەکەیان بە دەنگی خۆیان تۆمارکردووەتەوە. مەهدی نادی سەفایی کاری میوزیکی بۆ کردووە، سارا باروئی و نێرگس ئەیوبی بە ژەنینی سێتار و مەهنا وەحدەت نیا بە دەف لێدان بەشدارن.
رەزا جوبەند، کاری وێنەگرتن و مۆنتاژی بۆ ڤیدیۆکلیپی گۆرانییەکە کردووە، ئەندامانی گرووپەکەش بە جلوبەرگی کوردییەوە دەردەکەون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ