رووداو دیجیتاڵ
ئەکادیمیای زانست و هونەری وێنەی جوڵاو "ئۆسکار"، 534 ئەندامی نوێی وەرگرت، کە چەندین بەربژێری ئەم دواییانەی ئۆسکار و کەسایەتیی دیکەی ناسراوی هۆلیوود لەخۆدەگرێت.
لیستی ئەندامە نوێیەکانی دەنگدەری ئۆسکار، کۆمەڵێک ئەکتەری ناسراو لەخۆدەگرێت، لەوانە ئاریانا گراندی، جەیسن مۆمۆوا و ئاندرو سکۆت.
بە زیادبوونی ئەم ئەندامە نوێیانە، کۆی گشتیی ئەندامانی ئەکادیمیاکە دەگاتە 11 هەزار و 120 کەس، لەوانە 10 هەزار و 143 کەس مافی دەنگدانیان هەیە، ئەمەش گەورەترین ژمارەی ئەندامە لە مێژووی ئەکادیمیاکەدا.
ئەندامە نوێیەکان رێژەی فرەڕەنگی لە ئەکادیمیاکەدا بەرز دەکەنەوە، بەجۆرێک ئێستا 35%ـی ئەندامەکانی ژنن، 22%ـی لەو کۆمەڵگایانەن کە کەمتر نوێنەرایەتییان کراوە، و 21%ـیشیان لە دەرەوەی ئەمریکان.
ئەم هەنگاوە دوای رەخنە بەرفراوانەکانی هاشتاگی "#OscarsSoWhite" واتە "ئۆسکار زۆر سپییە" دێت، کە وایکرد ئەکادیمیاکە هەزاران ئەندامی نوێ زیاد بکات بە مەبەستی زیادکردنی فرەڕەنگی و هەمەجۆری لەنێو دەنگدەرانیدا.
بەهمەن قوبادی و سەهیم عومەر خەلیفە، هەردوو دەرهێنەری کورد، ئەندامی ئەکادیمیای ئۆسکارن و مافی دەنگدانیان لەسەر فیلمەکان هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ