توێژینەوەیەک: خواردنەوەی کحول مەترسیی نارێکبوونی لێدانی دڵ زیاددەکات

رووداو- دیجیتاڵ

توێژینەوەیەکی نوێ دەریخستووە خواردنەوەی کحول مەترسیی نارێکبوونی لێدانی دڵ زیاددەکات.

توێژینەوەکە لەلایەن پزیشکانی ئەڵمانی بە سەرپەرشتی پرۆفسیۆری نەخۆشییەکانی دڵ د. رێنەیت سچنابێل ئەنجامدراوە و لە جۆرناڵی دەستەی پزیشکانی پسپۆڕی دڵی ئەوروپی بڵاوکراوەتەوە.

لە توێژینەوەکە سوود لە داتای 107.845 کەس وەرگیراوە لە سوێد، نەرویج، فینلەند، دانیمارک و ئیتاڵیا، بۆ ماوەی 14 ساڵ بەدواداچوون بۆ بەشداربووان کراوە، پزیشکان بۆیان دەرکەوتووە ئەوانەی بەشێوەیەکی بەردەوام و بە شێوەی مامناوەند کحول دەخۆنەوە مەترسیی تووشبوونیان بە نارێکبوونی لێدانی دڵ کە پێی دەڵێن (Atrial fibrillation) زیاددەکات.

د. رێنەیت سچنابێل، پرۆفسیۆری نەخۆشییەکانی دڵ و سەرپەرشتیاری توێژینەوەکە دەڵێت، ئەوەی ئێمە توێژینەوەیەکی ئێجگار بەرفراوانە لەسەر کاریگەرییەکانی کحول لەسەر دڵ هەرچەندە توێژینەوەکانی پێشووتر دەریان خستووە کە کحول دەبێتەهۆی جەڵتەی دڵ یان سستبوونی دڵ.

پزیشکە ئەڵمانییەکان بۆیان دەرکەوتووە خواردنەوەی بڕێکی کەمی کحولیش بۆ ماوەیەکی درێژخایەن مەترسیی تووشبوون بە نارێکی لێدانی دڵ (Atrial fibrillation) بە رێژەی ٪16 زیاددەکات.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger