رووداو دیجیتاڵ
لە ناوەندی شاری ئامەدی باکووری کوردستان بەهۆی ئاگرکەوتنەوە لە هۆتێلێکی تایبەت بە کۆتر، نزیکەی 300 دانە لەو باڵندەیە سووتان و لەنێوچوون.
ئەمڕۆ هەینی، لە شارۆچکەی سوور لە ناوەندی شاری ئامەد ئاگر کەوتەوە، بەڵام تاوەکو ئێستا هۆکارەکەی نەزانراوە.
دوای رووداوەکە تیمەکانی پۆلیس و بەرگریی شارستانی گەورەشارەوانی ئامەد رەوانەی شوێنی رووداوەکە کران و دوای سێ کاژێر توانرا ئاگرەکە بکوژێندرێتەوە.
بەهۆی ئاگرەکەوە نزیکەی 300 کۆتر سووتان و یان بەهۆی دووکەڵی ئاگرەکە خنکان و لەنێوچووم.
لێکۆڵینەوە لە هۆکاری کەوتنەوەی ئاگرەکە دەستیپێکردووە.
ئەو هوتێلە تایبەت بوو بە مانەوەی کۆتر، هەندێک لە کۆتربازەکان کە گەشتیان دەکرد کۆترەکانیان دەبردە ئەو هوتێلە تاوەکو ئەو کاتەی لە گەشتەکانیان دەگەڕانەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ