رووداو دیجیتاڵ
سەرۆک مەسعود بارزانی و سەرۆکی هاوپەیمانێتیی عەزم دوا هەنگاوەکانی پرۆسەی پێکهێنانی حکومەتی نوێی عێراقیان تاوتوێ کرد.
رۆژی دووشەممە (2-2-2026) سەرۆک مەسعود بارزانی لە پیرمام پێشوازی لە موسەننا سامەڕایی، سەرۆکی هاوپەیمانێتیی عەزم کرد.
بەگوێرەی راگەیێندراوی بارەگای بارزانی، لە دیدارەکەدا "بارودۆخی سیاسیی عێراق و ناوچەکە بە گشتی تاوتوێ کرا."
هەروەها تەوەرێکی دیکەی کۆبوونەوەکە تایبەت بوو بە باسکردن لە "دوا هەنگاوەکانی پرۆسەی سیاسی لە عێراق بۆ پێکهێنانی حکومەتی نوێ."
دەقی راگەیێندراوی بارەگای بارزانی:
رۆژی دووشەممە، 2ی شوباتی 2026 لە پیرمام، سەرۆک مەسعود بارزانی پێشوازی لە بەڕێز موسەننا سامەرائی سەرۆکی هاوپەیمانێتی عەزم کرد.
لە دیدارەکەدا بارودۆخی سیاسیی عێراق و ناوچەکە بە گشتی تاوتوێ کران، هەروەها باس لە دوا هەنگاوەکانی پرۆسەی سیاسی لە عێراق بۆ پێکهێنانی حکومەتی نوێ کرا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ