رووداو دیجیتاڵ
هێزەکانی سوپای پاسداران لە دوێنێ چوارشەممەوە لەنێو شار و گوندەکانی شنۆی سەر بە پارێزگەی ورمێ، لانیکەم نۆ هاونیشتمانی و چالاکڤانی مەدەنی شارەکەیان دەستبەسەر کردووە.
ژمارەی دەستبەسەرکراوانی رۆژانی رابردووی ئەو شارە گەیشتە 11 کەس.
بەپێی ئەو زانیارییانەی لە شنۆوە بە تۆڕی میدیایی رووداو گەیشتووە، لە دوێنێوە یوسف حاجی خۆش، چالاکڤانی مەدەنی و ئەندامی ئەنجوومەنی ناوەندیی بەرەی یەکگرتووی کورد، ئومێد رەشیدپاک، غەفوور شێخ محەممەدی، محەممەد سوڵتانپوور، جەعفەر رەسولی، سەلاح قازی، حیسامەدین مەحموودی و هەروەها حەسەن رەسوڵی و مەولوود روستا کە موختاری گوندی حەسەن نوورانی شنۆن، دەستبەسەرکراون.
ئێوارەی سێشەممەش، هونەرمەند هادی لاوە و هەروەها ئاکۆ ئیبراهیمی دەستبەسەر کرابوون.
بەپێی زانیارییەکان، ئەو کەسانە بەوە تۆمەتبارن لە رێکخستن و بەڕێوەبردنی ئاهەنگەکانی نەورۆزدا رۆڵیان هەبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ