هەڵەیەک روویدا! دووبارە هەوڵبدە
بازگەی کەرکووک
رووداو دیجیتاڵ
لە بازگەی پردێ لەسەر رێگەی کەرکووک- هەولێر لەبری پۆلیس ئێستا سوپا لە بازگەکانن و لێکۆڵینەوە لە خەڵک دەکەن و بیانووی پۆلیسیش بۆ چۆڵکردنی بازگەکە، دروستکردنی بازگەیەکی نوێیە لەو سنوورە.
پێدانی رۆڵ لە بازگەکان بە سوپا لەدوای رووداوەکانی سووریا و رۆژئاوای کوردستان دێت. هێزە ئەمنییەکان رێکارێکی تووندوتۆڵ لەگەڵ ئەو ماڵە ئاوارە عەرەبانە دەگرنەبەر، لە ناوچە کوردییەکان بە ناوی کارکردن و شوانکارەییەوە، نیشتەجێبوونە.
رێکارەکان خۆی لە داواکردنی تەواوی بەڵگەنامە و بریکارنامەدا دەبینێتەوە، بەهۆی رێکارەکانیشەوە چەندین گومانلێکراو دەستگیرکراون.
هێمن وەهاب، موختاری گوندی کەڵوڕ دەربارەی رێوشوێنە تووندەکانی سوپا دەڵێت: "دەستیان بە لێپرسینەوە کردووە بەرامبەر بەو خەڵکانەی کە لە پارێزگاکانی دیکەن هاتوون و لێرە وەک ئاوارە بوون، یان بەناوی ئەوەی لەگەڵ مەڕدارەکان ئیش دەکەن یان بەناوی ئەوەی لەجێگای خۆیان ئاوارەبوون و لێرە گیرساونەتەوە."
عەزیز محەممەد، دانیشتووی گوندی کەڵوڕە لە سنوورەکە و بە رووداوی گوت: "ئەوانە زۆربەیان خەڵکی سنووری موسڵن، لە بەعاج و ئەو ناوچەیەوە [هاتوون]."
سەرۆکی لیژنەی ئەمنیی پارێزگاکە کە خودی پارێزگارە باسی رێکارەکانی بۆ رووداو کرد؛ رێبوار تەها گوتی: "ئەو رێکارانە پێویستن بەهۆی مەترسیی پەڕینەوەی چەکدارەکان و زیندانییەکان بۆ سنوورەکانی عێراق."
پارێزگاری کەرکووک لەبارەی رێکارەکان بە رووداوی گوت، وەکو هەنگاوی یەکەم، فەرمانی داوە کە دڵنیایی بدرێت لەبارەی ئەو کەسانەی ساڵانی پێشوو لە کەرکووک نیشتەجێبوون و هەروەها کێ کەفالەتی کردوون.
رێبوار تەها راشیگەیاند: "رێکاری دووەم سەبارەت بە بازگەکانمان کە تووند و تۆڵتر بووە، بۆ ئەوەیە دڵنیابین لە سەلامەتی ئەو کەسانەی دێنە سنووری کەرکووکەوە."
لە دوای شەڕی داعشەوە زۆرینەی ناوچە کوردییەکانی پارێزگای کەرکووک پڕ بووە لە ئاوارەی عەرەبی ناوچەکانی نەینەوا و دیالە و سەڵاحەدین، لەگەڵ تووندکردنەوەی رێکارەکان دەیان کەسیان هەڵهاتوون و خۆیان بێسەروشوێن کردووە.
![داود [لای چەپ] و جێسی.](https://www.rudaw.net/s3/rudaw.net/ContentFiles/935084Image1.jpg?mode=crop&quality=70&rand=1&scale=both&w=362&h=226&version=8501404 "داود [لای چەپ] و جێسی.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ