رووداو دیجیتاڵ
دەنگۆی بڵاوبوونەوەی بۆنێکی ناخۆش لە گەڕەکەکانی هەڤاڵان، سێتاقان، ئازادی و سەیداوە نیگەرانی لێدەکەوێتەوە. دانیشتووییەکی هەڤاڵان دەڵیت "بۆن ساردێکی" بێزارکەر بڵاوبووەتەوە. بەڕێوەبەری ژینگەی هەولێریش دەڵێت: "هیچ کەسێک سکاڵای نەکردووە تاوەکو بەدواداچوونی بۆ بکەین."
رۆژی شەممە، 4ـی نیسانی 2026، محەممەد ئەیوب، هاونیشتمانییەکی دانیشتووی گەڕەکی هەڤاڵانی هەولێرە بە رادیۆی رووداوی گوت: "شەوی پێنج شەممە لە کاژێر 10ی شەوەوە بۆنێکی ناخۆش لە گەڕەکەکەمان بڵاوبوویەوە و زۆر بێزاری کردین. داواکارین لە حکومەت بەدواداچوون بکات و لێپێچینەوە لەوانە بکات کە هۆکاری بڵاوبوونەوەی بۆنەکەن".
دڵشاد هیرانی، بەڕێوەبەری فەرمانگەی ژینگەی هەولێر بۆ رادیۆی رووداو گوتی، ئەو دەنگۆیانەی باس لە هەبوونی بۆنێکی ناخۆش لە گەڕەکەکانی (سێتاقان، ئازادی، سەیداوا و کارێزان) دەکەن، تائێستا وەک سکاڵای فەرمی بۆ ئەوان تۆمار نەکراوە.
بەڕێوەبەری ژینگەی هەولێر گوتی، ئەگەر بۆنەکە سەرچاوەیەکی گەورەی ژینگەیی هەبایە، دەبوو لە گەڕەکەکانی دیکەی وەک دارەتوو و گەڕەکی ژیانیش هەستی پێ بکرایە، بەڵام پێدەچێت ئەوەی هەبووە دۆخێکی کاتی بووبێت.
بەڕێوەبەری ژینگەی هەولێر ئاماژەی بەوەش کرد: "زۆرجار هاونیشتمانییان سکاڵا دەکەن، کاتێک دەچین بۆ بەدواداچوون، بابەتەکە بەو شێوەیە نییە.
تیمەکانمان لە رێگەی هێڵە گەرمەکانەوە بەردەوامن لە بەدواداچوون و هاونیشتمانییان بۆ هەر سکاڵایەک لەبارەی سەرپێچی لە ژینگەی ناوچەیەک دەتوانن پەیوەندی بەم ژمارانەوە بکەن: 07501859805 07831239606
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ