هەڵەیەک روویدا! دووبارە هەوڵبدە
رووداو دیجیتاڵ
بڕیارە سبەی شاندێکی باڵای حکومەتی هەرێمی کوردستان بۆ پرسی سیستەمی ئەسیکۆدا دەچێتە بەغدا.
رۆژی شەممە، 4ـی نیسانی 2026، سەرچاوەیەک بە تۆڕی میدیایی رووداوی راگەیاند: "بڕیارە سبەی شاندێکی باڵای حکومەت بچینە بەغدا و لەبارەی سیستمی ئەسیکۆدا گفتوگۆ بکەن."
ئەسیکۆدا سیستمێکە بۆ بەستنەوەی دەروازەکان و سنوور و کاروباری گومرگ. بەپێی زانیارییەکانی رووداو، کۆبوونەوە لەگەڵ لایەنە پەیوەندیدارەکانی عێراق سەبارەت بەو سیستمە دەکرێت.
شاندەکە پێکهاتووە لە: ئومێد سەباح، سەرۆکی دیوانی ئەنجوومەنی وەزیران؛ ئامانج رەحیم، سکرتێری ئەنجوومەنی وەزیرانی هەرێمی کوردستان؛ عەبدولحەکیم خەسرۆ، سەرۆکی فەرمانگەی هاوئاهەنگی و بەدواداچوون و کەمال رەئووف، بەڕێوەبەری گشتیی گومرگی هەرێمی کوردستان.
رۆژی 17ـی ئاداری 2026، مەسرور بارزانی، سەرۆکی حکومەتی هەرێمی کوردستان لە کۆنفرانسێکی رۆژنامەڤانیدا لەبارەی سیستەمی ئەسیکۆداوە بە رووداوی گوت: "ئەوەی لەسەر هەرێمی کوردستان پێویستە ئێمە رەزامەندییمان دەربڕیوە و رازیش بووین بەوەی کە سیستمەکە لە هەرێمی کوردستاندا جێگیر بکرێت، بەڵام میکانیزمی جێبەجێکردنەکەی دەبێت بە رێگەی دامەزراوەکانی هەرێمی کوردستانەوە بێت، ئەمە کاتی دەوێت."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ