رووداو دیجیتاڵ
دەزگای ئاسایشی هەرێمی کوردستان لە سنووری ئیدارەی راپەڕین تۆمەتبارێکی دەستگیر کرد و دەڵێت، "گەورە بازرگانێکی نێودەوڵەتیی ماددەی هۆشبەر'ـە.
بەگوێرەی راگەیێندراوی دەزگای ئاسایشی هەرێمی کوردستان، ئەمڕۆ شەممە، 05-04-2024، لە کاتی دەستگیرکردنی ئەو گەورە بازرگانەی مادەی هۆشبەر، دەستیش گیراوە بەسەر "سێ کیۆگرام و نیو" ماددەی هۆشبەر و چەندین پارچەی چەک.
دەزگای ئاسایش دەڵێت، بازرگانەکەی ماددەی هۆشبەر لە سنوورەکانی نێوان عێراق و سووریا کاری بازرگانیی کردووە و لە هەفتەی رابردوودا مادەی هۆشبەری ناردووەتە بەغدا و دەستی بەسەرداگیراوە.
ئەو تۆمەتبارە "پێشتر چەندین جار رووبەڕووی هێزە ئەمنییەکان بووەتەوە و هەڵاتووە". دەزگای ئاسایش دەشڵێت، بە بڕیاری دادوەری لێکۆڵینەوەی ئاسایش، بە ماددەی 25 لە یاسای بەرەنگاربوونەوەی ماددە هۆشبەرەکان دەستگیر کراوە و لێکۆڵینەوە لە کەیسەکەی دەکرێت.
بەڕێوەبەرایەتیی گشتیی ئۆپەراسیۆنەکانی دەزگای ئاسایشی هەرێمی کوردستان بە هاوئاهەنگی لەگەڵ بەڕێوەبەرایەتیی نەهێشتنی ماددە هۆشبەرەکان و دەزگای ئاسایشی نیشتمانیی عێراق، دوای فەرمانی دادوەر ئەو تۆمەتبارەیان لە سنووری ئیدارەی راپەڕین دەستگیر کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ